Atentati mafioz që ndodhi mbrëmjen e djeshme në rrugën “Anastas Shundi”, në zonën e Don Boskos la pas një viktimë të pafajshme dhe 6 të plagosur.
Bilanci i frikshëm i kësaj ngjarje, duket se ka qenë një mesazh nga autorët për pronarin e lokalit që u godit me breshëri, i cili është në pronësi të Fatjon Muratit, një emër i njohur i kronikës së zezë, që u arrestua në Tiranë pas iu zbulua një bazë armatimesh.
Plumbat e dy autorëve me motor lanë të vdekur në vend 60-vjeçaren Mimoza Paja, e cila punonte në lokalin e Muratit si banakiere, ndërsa mbeti i plagosur xhaxhai i tij Sahit Murati, por edhe klientët në lokal, Astrit Meraj, Emanule Sala, Ermir Bejuku dhe Genc Shohalli.
Si pasojë e masakrës, u dëmtua nga ciflat e xhamit edhe një 10 vjeçare, mbesa e viktimës e cila dëshmoi të gjithë masakrën e ndodhur rreth orës 21:00.
Dyshohet se objektivi i atentatit të mirëorganizuar ka qenë pikërisht xhaxhai i Fation Muratit. Ngjarja lidhet me të shkuarën e nipit të Sahit Muratit, ndaj po hetohen disa pista nga policia.
