Benito Mussolini, i njohur gjerësisht me nofkën “Duçja”, më 1917-ën, ishte i punësuar si agjent nga shërbimet e fshehta britanike.
Gazeta “The Guardian”, raporton se Musolini, i cili i shpalli luftë Britanisë në fillim të Luftës së Dytë Botërore, paguhej 100 paund në javë, si agjent britanik.
Dokumentat e arkivuara, kanë zbuluar se Musolini, atëherë një gazetar 34-vjeçar nuk ishte vetëm i gatshëm të siguronte që Italia të vazhdonte të luftonte përkrah aleatëve në Luftën e Parë Botërore, duke botuar propagandë në gazetën e tij, por gjithashtu thuhet se dërgoi gjithashtu veteranë të ushtrisë italiane për të rrahur protestuesit e paqes në Milano.
“Gjëja e fundit që Britania donte ishin grevat pro paqes që do të ndalonin fabrikat në Milano. Ishte shumë para për të paguar një njeri që ishte gazetar në atë kohë, por në krahasim me 4 milionë paund që Britania po shpenzonte për lufta çdo ditë, ishte para e imët”, citoi The Guardian të thoshte Martland, historian i asaj kohe.
Pas armëpushimit, Musolini filloi ngritjen e tij në pushtet, i ndihmuar nga mashtrimi zgjedhor dhe dhuna e bluzave të zeza, duke vendosur një diktaturë fashiste nga mesi i viteve 1920.
Ndërkohë, Musolini ndërtoi fuqinë e tij të re koloniale për të bërë aleancë me Hitlerin, duke hyrë në Luftën e Dytë Botërore në vitin 1940, këtë herë për të luftuar kundër aleatëve.
I rrëzuar pas pushtimit aleat të Italisë në vitin 1943, Musolini u vra me zonjën e tij, Clara Petacci, nga partizanët italianë ndërsa po largohej nga Italia në një përpjekje për të arritur në Zvicër dy vjet më vonë.
