Villarreali nuk shkoi më shumë se një barazim në shtëpi përballë Betisit (1-1), në sfidën e vlefshme për javën e 25të në La Liga.
Ishin miqtë ata që kaluan të parët në avantazh në minutën e 38-të të pjesës së parë me Borja Iglesisas.
Spanjolli përfitoi maksimalisht nga një gafë e portierit Reina dhe e kishte mjaftë të lehtë për ta shtyrë topin në rrjetë.
Megjithatë të zotët e shtëpisë reaguan dhe barazuan rezultatin me Yeremy Pino në fraksionin e dytë. Spanjolli realizoi një gol mjaftë të bukur, pas kombinimit me Ramon Terrats.
Të zotët e shtëpisë u hodhën në sulm për të shënuar edhe të dytin, por pa sukses. Në disa momente lojtarët e Villareal shpërdoruan disa aksione të mira dhe në fund nuk ndryshoi asgjë.
Pas këtij barazimi Villarreal mbetet në vendin e gjashtë me 38 pikë, ndërsa Betis në vendin e pestë me 42 pikë.
