Kandidati i PD për Bashkinë e Tiranës, Belind Këlliçi ishte sot në një takim me aktivistë e mbrojtës të kafshëve, të cilët parashtruan kërkesat dhe sugjerimet e tyre për zgjidhjen e çështjes së kafshëve endacake në Tiranë.
Në një postim në rrjetet sociale, ai shkruan se Bashkia pretendon se ka shpenzuar rreth 1.2 miliardë lekë në vitet 2016-2019 për sterilizimin e qenve të rrugës.
Por, sipas tij, “këto ishin prokurime fiktive, sepse në fakt bashkia aplikon vrasjen, helmimin masiv dhe jo sterilizimin”.
“Shpenzimi për sterilizimin e një qeni është faturuar abuzivisht deri 8 herë më lart se çmimi i përllogaritur Me laps e letër do i shënohen të gjitha në dosjen e plotë!
Masakra do të ndalet! Mënyra si sillemi me kafshët tregon kulturën dhe ndjeshmërinë tonë. Jemi njerëz dhe duhet të respektojmë çdo qenie të gjallë!”, shton Këlliçi.
