Dy vëllezër shqiptarë në Monza të Italisë janë arrestuar pasi karabinerët zbuluan se ata ishin trafikantë droge dhe gjetën dy sasi kokaine, që i kishin fshehur në lokacione të ndryshme.
Shqiptarët të moshës 43 dhe 47 vjeç janë arrestuar pasi karabinierët në Brianza zbuluan 16 kg kokainë, me vlerë tregu rreth 1.5 milionë euro, të cilat dy vëllezërit i kishin fshehur në një tezgë fshati dhe në një garazh.
Sapo e kuptoi se ishte zbuluar, njëri nga vëllezërit u përpoq të arratisej për t’u fshehur në Shqipëri por u bllokua nga policia kur ishte në bordin e një avioni që po bëhej gati për t’u ngritur nga pista e Malpensës.
Dy vëllezërit janë identifikuar gjatë një hetimi policor. Pjesa e parë e drogës, 7 kilogramë kokainë dhe 800 gramë hashash si dhe 21 mijë e 400 euro të thata u gjet në një kasolle bujqësore në Seveso (Monza).
Në garazhin e shtëpisë së 43-vjeçarit u zbuluan më pas 9 kg të tjera kokainë brenda një kasaforte të groposur në dysheme.
Droga e sekuestruar me siguri ishte e destinuar për në sheshet e trafikut të drogës në Monza della Brianza.
