Një 30-vjeçare, e cila rezultonte e shpallur në kërkim, është arrestuar këtë të shtunë nga policia në Tiranë.
Mësohet se vajza në fjalë akuzohet për prodhim dhe shitje të lëndëve narkotike, si pjesë e një grupi të strukturuar kriminal.
Për të renë me iniciale D. K., Gjykata e Posaçme ka vendosur edhe masën e sigurisë “arrest me burg”.
Njoftimi i policisë:
Shërbimet e Komisariatit të Policisë Nr. 6 bënë kapjen e shtetases në kërkim D. K., 30 vjeçe, banuese në Tiranë, pasi Gjykata e Posaçme e Shkallës së Parë për Korrupsionin dhe Krimin e Organizuar i ka caktuar masën e sigurise “Arrest në burg”, për veprat penale “Prodhimi dhe shitja e lëndëve narkotike”, “Grup i strukturuar kriminal” dhe “Kryerja e veprave penale nga organizata dhe grupi i strukturuar kriminal”.
Materialet i kaluan Prokurorisë, për veprime të mëtejshme procedurale.
