Pamje të reja nga aksidenti fatal që u mori jetën tre të rinjve në mbikalimin e Saukut, janë publikuar ditën e sotme dhe konfirmojnë pohimet e ekspertëve rrugorë, se mjeti tip “Audi A8” me targa “AB008 MJ” që drejtohej nga Klevis Ruçaj ishte duke lëvizur me shpejtësi të frikshme, mbi 200 km/h.
Ky kënd i ri nga i cili kamerat e sigurisë kanë filmuar aksidentin me tre viktima, tregon qartë se 20-vjeçari po udhëtonte në “Unazën e Madhe” të Tiranës me shpejtësi tej normave të lejuara, duke vendosur në rrezik disa mjete të tjera që po lëviznin në këtë aks në drejtim të rrethrrotullimit të TEG.
Në video shihet se “Audi” i të riut fillimisht përplaset me barrierat e rrethrrotullimit dhe më pas “fluturon” nga mbikalimi në autostradën Tiranë-Elbasan, ku edh era mbi kofanon e mjetit tip “Hyundai” të familjes Kurti, ku tre anëtarët mbetën të plagosur.
Sakaq nga aksidenti mbetën të vdekura në vend dy pasagjeret që udhëtonin me Ruçajn, 22-vjeçarja Erisilda Abedini dhe 23-vjeçarja, Sikela Përroj, të dyja banuese në Tiranë.
Sa i përket drejtuesit të mjetit, ai ndërroi jetë pak orë më vonë në spitalin e Traumës, duke mos u mbijetuar plagëve të marra.
