Detaje të reja kanë dalë në dritë lidhur me sulmin me armë zjarri që ndodhi në orët e para të mëngjesit të sotëm në Kamëz, ku u qëllua në drejtim të një lokali në bulevardin “Donald Trump”.
Mësohet se lokali ndaj të cilit u zbraz arma është në pronësi të shtetasit Astrit Lami.
Ky i fundit e ka dhënë lokalin me qira tek një person i identifikuar si Ndriçim Mullhaj, dhe nuk rezulton me precedent penal.
Paraprakisht uniformat blu kanë nisur hetimet duke marrë në konsideratë ndonjë konflikt të mundshëm të pronarit ose qiraxhiut të lokalit. Por, Lami dhe Mullhaj janë shprehu se asnjëri prej tyre nuk kanë konflikte të mbartura.
Një pistë tjetër që po hetohet lidhet me dyshimin e fortë të policisë se autorët mund të kenë ngatërruar objektivin.
Fatmirësisht nga të shtënat nuk pati persona të lënduar, por vetëm dëme material.
