Nuk ka zgjatur më shumë se katër ditë arratia e një 56-vjeçari, i cili plagosi me armë gjahu një person në zonën e Luginës së Patokut, në Lezhë.
Besnik Selmani, i cili plagosi shtetasin Besnik Pulaj (49 vjeç) më 7 mars, ia doli që të largohej me shpejtësi nga vendngjarja, por u vu sot në pranga nga policia.
Pulaj e Selmani janë konfliktuar me njëri-tjetrin dhe 56-vjeçari ka qëlluar me çifte në drejtim të 49-vjeçarit.
Pulaj u dërgua në spitalin e Traumës dhe ka marrë ndihmën e nevojshme mjekësore.
