Dy shqiptarë që lëviznin në rrugë me një sasi droge dhe një pistoletë në posedim, janë vënë në pranga nga policia në Itali.
Të rinjtë, 21 dhe 22 vjeç kishin bazën e tyre logjistike në Bressanvido në rrugën “Longhella”.
Një prej shqiptarëve u kap me doza kokaine gati për t’u shitur, ndërsa shqiptari i dytë iu nënshtrua kontrollit në mbrëmje.
Atij iu gjetën në posedim doza të tjera kokaine dhe hashashi dhe një pistoletë e vjedhur, e markës “Beretta”.
Policia gjatë kontrolleve zbuloi dhe materiale të ndryshme për prerjen dhe paketimin e drogës, 1 peshore, 9 telefona inteligjentë dhe gati 19.000 euro.
Dy bashkëpunëtorët shqiptarë u arrestuan dhe u dërguan në burgun San Pio X.
