“Misioni” i një 37-vjeçari shqiptar për të transportuar 200 kilogramë kokainë përgjatë autostradës A4 që lidh Milanon me Venecian, ka dështuar pasi është pikasur nga agjentët e Guardia di Finanza në Veronese.
Furgoni i shqiptarit që mbante mbi dy kuintalë kokainë përshkoi të gjithë Breshia nga njëri cep i qytetit në tjetrin përgjatë A4 kur u ndalua nga agjentët.
Ata e pikasën mjetin komercial duke ecur me shpejtësi të madhe dhe kontrolli i beftë i numrit të targës u zbulua se i përkiste një automjeti që tashmë ishte raportuar nga policia e Xhenovas, si i përdorur për trafik droge.
Kjo ishte arsyeja për të cilën stafi i Gdf raportoi automjetin tek patrullat e Policisë Rrugore të Veronës, kompetente përgjatë seksionit të autostradës, të cilët ndaluan furgonin në Sommacampagna pranë kabinës së pagesës.
Nga kontrolli i imtësishëm dolën shpejtë në dritë 200 pako kokainë të pastërtisë së lartë, me peshë totale prej 220 kg.
Ngarkesa e sekuestruar nëse do të dilte në treg mund të kishte nxjerrë fitime të jashtëzakonshme që përllogariten deri në 15 milionë euro.
Për sa i përket sasisë së madhe, nuk përjashtohet që droga të ishte e destinuar për një treg më të gjerë se ai i Veronës.
