Mesfushori i Kombëtares, Nedim Bajrami, u bë hero mbrëmjen e djeshme, teksa shënoi golin e fitores 3-2, me fanellën e Sasuolos në triumfin ndaj Kremonezes.
Ky ishte realizimi i parë i Bajramit, me skuadrën e re, teksa u hodh nga stoli në minutën e 68-të dhe tundi rrjetën në minutën 90+2’.
24-vjeçari qëndroi në fushë 25 minuta, teksa në fund u vlerësua me notën 6.8 nga faqja e specializuar e statistikave “Sofa Score”. Bajrami e preku 12 herë topin, ndërkohë që të vetmen gjuajtje në portë të tijën e shndërroi në gol.
