“Big Brother VIP Albania”, ka bërë që shqiptarët nga mbarë bota t’u dërgojnë banorëve mesazhe dhe dhurata, përmes një aplikacioni online të quajtur “Big love”.
Fansat mund të zgjedhin një emoji që nis nga vlera 3 euro deri në 100 euro, e cila është kurora.
Dhe një kurorë i është dërguar Luizit, nga një prej anëtarëve të familjes Jashari. Bëhet fjalë për Hamëz Jasharin, djalin e Bekim Jasharit, i cili i ka dërguar edhe një mesazh ku shkruhet: “Të përshëndes nga Prekazi heroik i Adem Jasharit”.
Të shumtë kanë qenë reagimet e banorëve me Nitën dhe Shpatin, që i thanë se kjo është dhurata më e bukur që i është bërë ndonjëherë.
Mirëpo, në sy ra reagimi i Oltës, e cila në një moment pyet: “Çfarë është Prekazi”?.
Ishte Nita ajo që i ka shpjeguar që Prekazi është vendi ku kanë rënë heroikisht një familje e tërë gjatë luftës.
Komentuesit në rrjetet sociale janë shprehur të zhgënjyer dhe habitur nga fakti që ajo nuk e dinte këtë gjë.
