Në ambientet e një hoteli në Tiranë është duke u zhvilluar mbledhja e Grupit Parlamentar dhe Kryesisë, e thirrur nga Enkelejd Alibeaj, i cili është i autorizuari i Lulzim Bashës për të ushtruar funksionet e drejtuesit të Partisë Demokratike deri në përfundim të zgjedhjeve vendore të 14 majit.
Mbledhja vjen tre ditë pasi Gjykata e Apelit rrëzoi vendimin e 25 marsit të vitit 2022 marrë nga gjyqtari Agron Zhukri, duke dërguar çështjen e vulës së PD për rigjykim në Shkallën e Parë dhe vetëm pak orë pasi Indrit Sefa depozitoi në KQZ kërkesën e grupit “Alibeaj” për t’u regjistruar në zgjedhjet lokale të 14 Majit.
Në një prononcim për mediat para nisjes së mbledhjes Alibeaj tha se pas mbledhjes së Kryesisë dhe Kolegjit të Kryetarëve më vonë, do të ketë një deklaratë për mediat ku do të sqarohen dhe vendimet e marra.
“Që të bini të qetë, pa merak pas…Iu falënderoj që jeni sot në këtë mbledhje të Kryesisë, do të jetë një mbledhje e gjatë, pas mbledhjes do flasim. Do e merrni vesh kush e drejton mbledhjen”, tha Alibeaj.
Ndërkohë në mbledhje marrin pjesë 19 deputetë përfshirë vetë Enkelejd Alibeajn. Emrat surprizë të janë dy, deputetët Xhelal Mziu e Bledion Nallbati, të cilët së fundmi janë afruar me ish-kryeministrin Berisha. Mësohet se pas hyrjes në mbledhje deputeti Mziu ka dalë menjëherë prej saj, ndërsa Nallbati ka qëndruar.
Deputetët që marrin pjesë:
Xhelal Mziu (hyri dhe doli brenda pak minutash)
Dhurata Çupi
Lefter Gështenja
Sealudin Jakupllari
Ramadan Likaj
Eralda Tase
Flutura Acka
Merita Bakiu
Arbi Agalliu
Andia Ulliri
Flamur Hoxha
Zheni Gjergji
Kreshnik Collaku
Saimir Korreshi
Gazmend Bardhi
Dashnor Sula
Bledjon Nallbati
Enkelejd Alibeaj
Jorida Tabaku
