Mbrojtësi i skuadrës Reising d’Abidjan (skuadra e divizionit të parë), Moustafa Sylla ndërroi jetën ditën e djeshme pasi nuk u ndje mirë, teksa ishte duke luajtur në fushë.
Lajmi i trishtë është konfirmuar nga klubi i tij.
“Mbrojtësi ynë, Moustafa Sylla, vdiq sot në mbrëmje pas një përkeqësimi të gjendjes së tij shëndetësore gjatë takimit RCA vs Sol FC”, thuhet në një komunikatë për media nga klubi.
“Gjatë evakuimit të tij në spital, Moustafa vdiq. Ai mbërriti në klub shtatorin e kaluar dhe ishte vetëm 21 vjeç,” konfirmoi presidenti i klubit Logossina Cissé për AFP.
Klubi Racing d’Abidjan, i cili luan në divizionin e parë të futbollit në Bregun e Fildishtë që nga sezoni 2018-2019, ka një partneritet me OGC Nice. Ai u kurorëzua kampion i Bregut të Fildishtë në vitin 2020 dhe aktualisht zë vendin e 7-të në kampionat.
