Policia e Durrësit mëngjesin e kësaj të hëne vuri në pranga një 34-vjeçar, i cili akuzohet për shpërndarje të drogave të forta, por edhe si bashkëpunëtor në një vrasje, pasi ka siguruar kushtet dhe mjetet për kryerjen e saj.
Denis Shahini mësohet se është prangosur nga policia pas një hetimi 17 mujor, ku është provuar edhe një rast kur ai ka shitur heroinë në Vlorë, në 2022.
Procedimi ndaj tij kishte nisur në vitin 2021 për trafik droge, armëmbajtje pa leje dhe sigurimi i kushteve e mjeteve për të kryer vrasje.
Burime nga policia e Durrësit bënë të ditur se Shahini është pjesëtar i grupit “Avdylaj”, nga Shijaku.
“Nga hetimet e kryera u siguruan prova se ky shtetas ishte pjesëtar i një grupi kriminal në Durrës dhe ushtronte veprimtarinë kriminale të shpërndarjes së drogave të forta, kryesisht heroinë”, bën të ditur policia.
Në foton më sipër, Shahini shihet se mban në dorë një kornizë, e cila ka brenda një pikturë nga burgu ku ka vuajtur dënimin, pasi ka qenë i dënuar më parë.
LEXO EDHE:
Drogë, vrasje dhe vjedhje/ Arrestohet 34-vjeçari në Durrës, pjesë e një grupi kriminal
