Një bandë hajdutësh që prej ditësh prishnin gjumin e familjeve në “Castelli Romani”, prej ditës së djeshme mund të thuhet se i ka orët e numëruar, pasi policia e kryeqytetit Italian ka rënë në gjurmët e tyre.
Ditën e djeshme mund të jetë arrestuar një prej anëtarëve të grupit shqiptar, të cilë “krihnin” vilat e qytetarëve të pasur në këtë zonë të Romës.
Shqiptari, së bashku me një bashkëpunëtor janë bashkëpunëtor të tentativave për vjedhje, arratisje dhe më pas një aksidenti në periferi të Genzanos, në kufi me Velletri.
Ajo zone ka qenë gjithmonë një “territory gjuetie” për “skifterët” e vilave, të cilët pasi grabisnin zhdukeshin në rrugët rurale dhe të pyllëzuara që përshkojnë fshatin.
Mirëpo, mbrëmja e së mërkurës shkoi keq pikërisht për “skifterin” shqiptar që tentoi të grabiste një vilë në zonën e Colli di Cicerone.
Bashkë me mikun e tij shqiptari kishte grabitur disa shtëpi dhe mendonte se mund t’ia hidhte paq me një tjetër tentativë vjedhjeje, por në momentin që hynë në një banesë gjetën pronarët në shtëpi dhe policët aty pranë.
Ata u ngjitën mbi një mur të ulët dhe hynë në kopshtin e një vile, por pronarët e vunë re dhe kjo i bëri të iknin duke bërtitur. Kriminelët nuk patën fat as të arratiseshin, pasi në zonë i kërkonin tashmë dy patrulla të komisariateve të Genzanos dhe Veletrit. Agjentët ishin thirrur nga banorë të tjerë, të cilët kishin parë “hije” që hynin fshehurazi në disa vila në “Colle Rosso” dhe “Casali della Parata”, në zonën Genzano. Kur familja që pengoi tentativën e vjedhjes telefonoi qendrën operative, policët ishin tashmë në vendngjarje.
Indikacionet e banorëve kanë ndihmuar agjentët për t’u vënë në gjurmët e tyre dhe për t’i lokalizuar jo shumë larg shtëpisë që kishin tentuar të grabisnin, në zonën Colli di Cicerone, në kufi me Velletri.
Por kapja e “skifterëve” nuk ishte e lehtë. Nga sa mund të kishin parë banorët, dy të arratisurit ndodheshin në një makinë “Audi A4”, me të cilën u futën në rrugët e ngushta të zones dhe me policët pas tyre.
Hajdutët në arrati ishin të pafat, sepse iu desh të përballeshin me një ngjarje të papritur. Shoferi i “Audi-t” humbi kontrollin e makinës gjatë një manovre të pamatur dhe makina përfundoi e përplasur në një trung lisi dhe më pas sërish u përplas me murin që rrethonte tokën e një ferme.
Pavarësisht se makina e tyre u bë “copa”, dy hajdutët patën fuqinë t’ia mbathin me vrap.
Teksa njëri arriti të arratisej, agjentët arritën të kapnin tjetrin dhe e çuan në komisariatin e Genzanos. Ai është një shqiptar mesoburrë.
Identifikimi i hajdutit të dytë tashmë varet nga ajo që i arrestuari mund t’u thotë hetuesve. Me sa duket “skifteri” i arrestuar nuk do ishte një fytyrë e re për policinë. Më tej, nga hetimet mbi mjetin e përdorur për arratisjen, të sekuestruar, do të rezultonte se makina ishte vjedhur në zonën lindore të provincës së Romës.
Prania e precedentëve ndaj shqiptarit dhe vjedhjet e ndryshme të ndodhura javët e fundit në lokacione të ndryshme në Castelli Romani, bënë hetuesit të kuptonin se personi mund të jetë pjesë e një bande aktive dhe të kërkuar në zonën juglindore të Romës.
