Hetimet e autoriteteve greke për shkaqet e aksidentit fatal në Tempi, janë në progres të plotë dhe mbrëmjen e sotme një element i ri ka dal në dritë dhe pritet të luajë një rol shumë të rëndësishëm në zbulimin e shkaqeve të vërteta të tragjedisë.
Sipas ANT1 në vendngjarje është gjetur regjistruesi në vagonin e pare (në motorin e trenit) e ashtëquajtura “kutia e zezë”, e njërit prej dy trenave që u përplasën.
Regjistruesi i “Intercity 62” po analizohet nga ekspertë të posaçëm duke u përpjekur të shtonin pjesë thelbësore në enigmën e tragjedisë. Ajo që ata kanë në duar do të tregojë kur shoferët u përpoqën të ngadalësonin shpejtësinë dhe kur ndryshuan kurs, por nuk ka asnjë regjistrim të bisedave siç ndodh në “kutitë e zeza” të avionëve.
Por kjo ka pak rëndësi, pasi dokumentet audio janë gjetur nga zyra e stacionit të Larisës dhe tashmë po kalohen në “skaner” nga hetuesit e ngjarjes më të rëndë në sistemin hekurudhor grek.
Njëkohësisht, sapo ka rënë errësira, është ndërprerë puna për heqjen e mbeturinave në vendin e tragjedisë.
Më herët, ekipet e shpëtimit kontrolluan fushat pranë shinave hekurudhore për të parë nëse ndonjë nga pasagjerët ishte rrëzuar duke u përpjekur të shpëtonte.
Në fund të fundit, sipas informacioneve, ka edhe dy mostra të materialit biologjik të dhëna nga të afërmit, të cilat nuk përputhen me ato të të vdekurve dhe kjo mund të ndryshojë pak numrin përfundimtar të viktimave.
Deri më tani nuk ka të dhëna për numrin e saktë të pasagjerëve në vagonët fatalë, pasi ka pasur mjaft pasagjerë që kanë hipur nga stacioni i Larisës, pa blerë biletë dhe kjo pasi do ta kishin marrë një të tillë brenda trenit.
