Ish-trajneri i kombëtares kuqezi, italiani Edy Reja, debuton me sukses në pankinën e ND Goricas, skuadrës së vendlindjes së tij.
Në ndeshjen e javës së 25-të të Prva Liga të Sllovenisë, skuadra e Goricas fitoi 1-0 në transfertë ndaj Celjes. Autori i golit të fitores ishte Luka Stankovski, i cili realizoi në minutën e 49-të, rezultat që nuk ndryshoi deri në fund të takimit.
Pas kësaj fitoreje, nën drejtimin debutues të Edy Rejas, ND Gorica shkon në kuotën e 18 pikëve, duke u renditur në vendin e nëntë, duke parë një dritë të largët mbijetese. Celje mbetet në kuotën e 41 pikëve dhe renditet në vendin e tretë.
