Një 40-vjeçar shqiptar ka përfunduar pas hekurave në Itali, pasi në kamionin që ai drejtonte është zbuluar se fshihej një ngarkesë me 350 kilogramë drogë.
ANSA raporton se shqiptari ishte duke transportuar rreth 250 kilogramë kanabis dhe mbi 100 kilogramë marijuana.
Kjo ngarkesë u sekuestrua mbrëmjen e djeshme në Imperia.
Mediat italiane bëjnë me dije se patrulla e policisë e ndaloi kamionin për një kontroll rutinë, por efektivëve iu lindën dyshime të forta kur vunë re nervozizmin e shqiptarit dhe pas kësaj nisën një kontroll më të imtësishëm.
Droga u gjet e fshehur nëpër kuti të cilat ishin kamufluar mes moblijeve me të cilat ishte ngarkuar kamioni.
