Dalin detaje të reja nga ngjarja e kobshme që ndodhi dje në kryeqytet ku 3 gra u vranë nga dora e Dan Hutrës.
Një nga fqinjët e familjes ku ndodhi tragjedia në Paskuqan ishte dëshmitar duke treguar se si ndodhi e gjithë ngjarja.
“Isha në orarin e punës, po shkarkoja dy bidona me ujë kur dëgjoj krismën e parë, pas 30 sekondash dëgjoj tjetrën. Vij këtu, lej bidonat, shoh komshiun që kalonte nga baçja në bahçe dhe shoh njerëzit duke qarë e me duart në kokë. Shoh viktimën e parë, nusjen e Fatosit, nusjen e djalit të shtëpisë, kishte 1 muaj që ishte fejuar, ishte shtatzanë. Pastaj Mevlutja te dera e pasme e makinës. E shtrirë brenda në makinë. Pastaj nëna dhe gruaja tjetër ishte e plagosur me thikë. Vetëm rënkonin e mallkonin. Ishin të shokuar”, tregon ai për emisionin “Shqipëria Live” në Top Channel.
Pyetje: Çfarë tha ish-bashkëshortja e tij?
“Ishte bashkë me fëmijët, unë jam komshi, kemi 30 vite nuk kemi pasur kurrë konflikte me njëri-tjetrin. Nuk duhet të kishte dalë ai nga burgu”.
Pyetje: Kur nxorën të plagosurat nga shtëpia dinin për viktimat?
“Jo nuk e dinin, e dinin që ishin shtrirë, por jo të vdekur. Kryefamiljari ishte duke marrë bukën. Duke ardhur nga lagjia, aty ka marrë vesh se çfarë ka ndodhur. Viktima shtatzënë i kishte vendosur duart në bark”, tregon ai.
