“Klasikja” e sotme kundër Realit të Madridit ishte historike për kapitenin e Barcelonës, Serxhio Buskets, që u aktivizua titullar në triumfin 0-1 që skuadra e Ksavit arriti në “Santiago Bernabeu”.
Me “Klasiken” e Superkupës së Spanjës në janar, Buskets barazoi shifrat e Serxho Ramos (Real) dhe Leo Mesit (Barça) si lojtarët që e kanë luajtur më shumë këtë duel, plot 45 herë.
Por që nga mbrëmja e sotme, “Klasikja” tashmë ka një një mbret të ri dhe ai do të jetë Buskets, që luajti për herë të 46-të një përballje të tillë. E të mendosh që në horizont janë dhe dy të tjera, ajo e 19 marsit në la Liga dhe ajo e 5 prillit në Kupën e Mbretit, ndeshja e kthimit në “Camp Nou”.
