Tragjedia në familjen Hysa në Paskuqan, ku “killeri” Dan Hutra ekzekutoi dy nga gartë e familjes dhe la të plagosura ish-bashkëshorten e tij Elenën dhe nënën e saj Kujtime Hysa, është edhe më e rëndë sesa u paraqit fillimisht.
Kjo pasi mësohet se një nga viktimat, Hasime Dafku, priste një fëmijë me vëllanë e ish-bashkëshortes së 40-vjeçarit që i mori jetën duke lëshuar mbi të breshërinë e kallashnikovit.
Sipas policisë e reja e vrarë nga Dan Hutra, ishte 31 vjeç, por sipas deklaratave të familjarëve mësohet se vajza që u vra në oborrin e banesës, ishte vetëm 26 vjeç.
Kunata e Elena Hysës sipas të afërmve të saj kishte vetëm 2 muaj që ishte martuar dhe vetëm së fundmi kishte mësuar se ishte shtazënë.
Vetëm para pak ditësh ajo u kishte treguar edhe të afërmve lajmin e gëzueshëm se po priste një fëmijë dhe ishte 2 muajshe shtazënë. Hasimja ishte motër e 7 vajzave të tjera dhe nuk kishte vëllezër.
