Suel Çela, person i shpallur në kërkim, i është drejtuar Gjykatës së Posaçme për ndryshimin e masës së sigurisë nga arrest me burg në një masë më të lehtë sigurie.
Çela, i njohur edhe me emrin Marjus Lilo, u shpall në kërkim pas dëshmisë së bashkëpunëtorit të drejtësisë Nuredin Dumani. Nga verifikimet e SPAK, dyshohet se Suel Çela porositur vrasjen e biznesmenit Lulzim Masha.
Po ashtu, nga dëshmia e Dumanit është zbardhur edhe një tjetër porosi që dyshohet se Çela ka dhënë për vrasjen e Elton Kikës, i njohur në Elbasan me emrin Oti.
Plani për vrasjen e administratorit të një shkollë privatë në Tiranë ndodhi në 18 janar të vitit të kaluar, pranë liqenit artificial. Fatmirësisht, ai i shpëtoi plumbave të cilët kapën vetëm automjetin e tij.
Për sulmin ndaj tij në pranga është Skerdi Tase i cili para hetuesve ka pranuar që ka qenë autor i krimit .Sipas dëshmisë së tij, ai është ndihmuar nga Enrik Hoxha për tu larguar.
I pyetur nga prokurorët e Spak, Hoxha ka treguar disa të dhëna dhe informacione se Suel Cela kishte paguar për eliminimin fizik të biznesmenit Lulzim Masha.
