Gjykata e Posaçme kundër Korrupsionit dhe Krimit të Organizuar ka kaluar për gjykim dosjen e ish-efektivit të policisë Leonard Palushit.
Bëhet me dije se GJKKO ka pranuar kërkesën e SPAK për gjykim të shkurtuar për Palushin.
Sipas dosjes së përgatitur nga SPAK, i pandehuri Leonard Palushi, i cili ka qenë efektiv në Elbasan, kur ka ushtruar detyrën e Shefit të Sektorit të Hetimit të Krimeve, në vitin 2020, ka krijuar raporte me të hetuarin Erjon Alibej dhe ka marrë tërthorazi prej tij përfitim të parregullt. Më pas në vijimësi ka kryer, veprime që lidhen me detyrën e tij si punonjës policie në mbështetje të Erjon Alibejt.
Ndaj tij rëndon akuza për veprën penale të ‘Korrupsionit pasiv të personave që ushtrojnë funksione publike’.
