Dritan Mehmeti është zyrtarisht trajneri i ri i Dinamos.
43-vjeçari ka zëvendësuar të larguarin Nevil Dede, i cili e mbylli me marrëveshje aventurën e tij me blutë.
Ky është një rikthim për Mehmetin te “Nëndetësja”, pasi më parë ka qenë pjesë e klubit si lojtar dhe si trajner.
Ndërkohë në klub rikthehet edhe Luan Pinari, ish-kapiteni i bluve të kryeqytetit. Ai është përzgjedhur nga drejtuesit e klubit 18 herë kampion që të drejtojë skuadrën së bashku me Dritan Mehmetin.
Pinari, dikur një nga mbrojtësit më të shquar të kampionatit shqiptar, ka luajtur në të kaluarën edhe me Tiranën dhe Partizanin. Prej vitesh ai është marrë me akademinë e tij, ndërkohë ka qenë i angazhuar edhe si analist sportiv.
