Këngëtarja Ermiona Lekbello ndau me banorët e tjerë në shtëpinë e Big Brother Vip një histori personale që i kishte ndodhur disa vite më parë.
Duke thënë se Shqipëria e ka lënë me trauma, Ermiona zbuloi se më mes të Tiranës i kanë vjedhur automjetin që drejtonte, duke i vendosur pistoletën në kokë.
Për të treguar sa gjurmë ka lënë ky incident në jetën e saj, këngëtarja tha se nuk ka për t’ia falur kurrë vendit të saj dëmin që i ka shkaktuar.
“Në moshën 25-vjeçare dy persona më grabitën makinën”, rrëfeu ajo duke shtuar se e kanë kërcënuar me një armë në kokë.
Ermiona shtoi se në automjet, që sipas saj në atë kohë e zotëronte vetëm ajo dhe një ministër, kishte çantën, para dhe të githa këto sende ia grabitën.
Sipas saj, ngjarja ka ndodhur te rruga “Mylsym Shyri” në Tiranë, shumë pranë Drejtorisë së Policisë.
Ermiona shtoi se në atë kohë iu deshën një javë të merrte veten nga kjo ngjarje dhe se pas 6 muajsh policia ia gjeti makinën.
