Policia greke ka goditur këtë të premte një tjetër rast të trafikut të drogës nga Shqipëria drejt Greqisë.
Sasia e radhës e kanabisit është sekuestruar në Selanik gjatë kontrolleve në një banesë, ku janë gjetur 27 pako me 27 kg marijuanë dhe 1 armë zjarri kallashnikov.
Në pranga ka rënë një shtetas grek 44 vjeç, i cili sipas policisë greke ishte anëtar i një grupi të trafikut ndërkombëtar të drogës nga Shqipëria dhe kishte rol në marrjen dhe magazinimin e drogës.
