Një aksident i rëndë ka ndodhur në kryeqytet mbrëemjen e djeshme pak para mesnatës.
Mësohet se pesë persona kanë mbetur të plagosur për shkak se një automjet është përplasur mbi urën në zonën e “Vasil Shantos” me 3 makina të tjera, ndërsa shoferi është larguar me shpejtësi nga vendngjarja.
Policia bën me dije se “një automjet me drejtues ende të paidentifikuar (larguar nga vendi i aksidentit), ka përplasur automjetet me drejtues shtetasit E. M., A. P., dhe A. M.”.
Si pasojë e aksidentit janë dëmtuar drejtuesi i automjetit shtetasi E. M., dhe pasagjerët e automjeteve, shtetasit A. S., J. Q., A. P., dhe E. M., të cilët ndodhen në spital, nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të aksidentit dhe kapjen e drejtuesit që është larguar.
