Qyteti i Librazhdit u trondit mbrëmjen e djeshme nga të shtënat me armë zjarri, që lanë të plagosur 35-vjeçarin Shpëtim Skura.
Personi që mbeti i plagosur ishte ulur në një lokal të qytetit së bashku me një mik të tijin dhe po konsumoni kafen e mbrëmjes, në momentin kur autori i identifikuar si Albi Biçaku nga një makinë “Audi” qëlloi me pistoletë në drejtim të tyre.
25-vjeçari Albi Biçaku njihet si person problematik në qytet, dhe nga policia i ndaluar disa herë për shitje të lëndëve narkotike.
Sakaq mësohet se plagosja e Skurës ka qenë aksidentale, pasi policia dyshon se Biçaku kishte për qëllim që të sulmonte një biznes.
Shënjestra e tij ka qenë e gabuar dhe plumbat kanë kapur Skurën, i cili në atë moment ishte klient brenda lokalit dhe e kanë lënë të plagosur.
