Detaje të reja janë zbuluar nga atentati i mbetur në tentativë në Elbasan, pasi policia parandaloi vrasjen e mundshme të një prej rivalëve të Erion Alibej të shtunën në mbrëmje.
Sipas Panorama TV, të arrestuarit Arben Spahiu (burri i motrës së Erion Alibejt) dhe miku i tij Arsen Preçi po planifikonin të finalizonin ekzekutimin e kundërshtarit të tyre Elton Kila, i njohur ndryshe edhe si “Oti i Elbasanit”, i cili më parë i kishte shpëtuar 4 atentave.
Autorët me mjetin tip “BMW X6”, kishin planifikuar ta qëllonin 43-vjeçarin brenda në automjet. Në momentin kur ishte parashikuar të kryhej atentati, Kila ka qenë duke udhëtuar nga Tirana drejt Elbasanit së bashku me fëmijët e tij.
Burime pranë grupit hetimor bëjnë me dije se faktet janë mbledhur nga këqyrja e pamjeve filmike nga qelizat telefonike.
Në momentin kur kanë konstatuar prezencë të forcave të policisë në zonë, dy autorët kanë janë larguar duke lënë automjetin së bashku me armët dhe municionet në zonën e njohur si “ish-Konservimi” pranë stadiumit “Elbasan Arena”.
Njëri nga dy të arrestuarit, Arsen Preçi ka hedhur në koshin e mbeturinave çantën e supit brenda të cilës janë gjetur pistoleta dhe dy mjete identifikuese që kanë çuar policinë drejt zbulimit të autorëve.
Po ashtu në çantë janë gjetur edhe maska dhe doreza që do të përdoreshin prej tyre për të humbur gjurmë pas krimit.
