Ishte nisur për në Poloni por paraditja e gjeti në Kieve, duke ecur përkrah Volodymyr Zelenskyt në rrugicat e kryeqytetit ukrainas, teksa në sfond dëgjoheshin sirenat e luftës që nuk është ndalur prej mëse një viti.
Por flasim as më shumë e as më pak, por për Presidentin amerikan Joe Bide, i cili ka shtyrë ndalesën e tij për në Varshavë, për të bërë një udhëtim sa të rrezikshëm aq edhe të rëndësishëm me tren në drejtim të Kievit.
Itinerari publik i presidentit amerikan tregonte se ai do të vizitonte Poloninë , por presidenti amerikan (megjithë thirrjet fillestare për t’u takuar me Zelensky në qytetin e Lviv, pranë kufirit polako-ukrainas për arsye sigurie) përfundimisht u nis për në kryeqytetin ukrainas.
Sipas burimeve të Shtëpisë së Bardhë të cituara nga New York Times, Biden do të qëndrojë sot në Ukrainë dhe do të udhëtojë nesër për në Varshavë.
Ai eci nëpër kryeqytetin ukrainas me Zelensky-n dhe vizitoi Manastirin e “Shën Michael”, ndërsa një paralajmërim për sulm ajror u dëgjua në të gjithë qytetin.
Biden’s here — on walkabout in central Kyiv. pic.twitter.com/l9uus74Dke
— Oliver Carroll (@olliecarroll) February 20, 2023
New York Times e përshkroi vizitën e Biden në Kiev si “një demonstrim të vendosmërisë së administratës së tij përballë pushtimit rus të vendit”.
Vizita e liderit të SHBA-ve u mbajt në fshehtësi të plotë për shkak të shqetësimeve të sigurisë, me presidentin amerikan që u largua nga Uashingtoni pa paralajmërim.
Biden tashmë ishte planifikuar publikisht të mbërrinte në Varshavë të martën në mëngjes për një vizitë dy-ditore dhe zyrtarët kanë mohuar vazhdimisht se kishte ndonjë plan tjetër për të njoftuar në lidhje me një udhëtim në Ukrainë.
Por vizitën e aleatëve të lartë në Kiev e kishte konfirmuar më herët zëvendësministri i Jashtëm i Ukrainës, Andriy Melnyk, në një deklaratë televizive, pa dhënë emra konkretë.
“Le ta mbajmë këtë intrigë tani për tani dhe të mos nxitojmë të nxjerrim emra. Shpresoj që çdo gjë të shkojë mirë me surprizën e planifikuar. Përveç kësaj, është e rëndësishme për ne që në prag të përvjetorit të sulmit, të ndjejmë dhe të shohim jo vetëm mbështetjen verbale, jo vetëm solidaritetin që kemi parë, por edhe më shumë ndihmë dhe praninë e partnerëve tanë kryesorë të rëndësishëm në Kiev”, thoshte zv.ministri pak orë para vizitës së Biden.
Sakaq, mësohet se pas mbërritjes në Kiev, presidenti amerikan u drejtua për në pallatin presidencial të Ukrainës, ku u prit nga Zelensky. Më pas Zelensky njoftoi pritjen e Biden me një postim në Instagram.
“Joseph Biden, mirë se erdhe në Kiev! Vizita juaj është një shenjë jashtëzakonisht e rëndësishme e mbështetjes për të gjithë ukrainasit”, tha presidenti ukrainas.
View this post on Instagram
Sipas Sky News, presidentët e SHBA-së dhe Ukrainës po diskutojnë furnizimin e armëve me rreze të gjatë dhe një paketë të re ndihme ushtarake për Ukrainën.
Sipas Zelensky, mbështetja ushtarake e premtuar nga Biden do të arrijë në 500 milionë dollarë, ndërsa më shumë detaje do të bëhen të ditura të martën.
Ndërkohë, pas takimit të tyre, Zelensky foli fillimisht në anglisht, duke falënderuar amerikanët për mbështetjen. Ai tha se kur filloi lufta telefonata e parë e mbështetjes që mori ishte nga Shtëpia e Bardhë.
Më pas foli Biden, i cili vendosi theksin te rëndësia e të qenit fizikisht në Ukrainë pikërisht në përvjetorin e fillimit të luftës dhe shtoi se ishte kritike të mos lihej asnjë dyshim për mbështetjen e SHBA.
This is a video from a future history book. The @POTUS and @ZelenskyyUa are walking through Mykhailivsky monastery gate in Kyiv, while the air raid sirens are running amid a Russian attack on Ukrainian capital. pic.twitter.com/i7HUdoP18f
— Sergej Sumlenny (@sumlenny) February 20, 2023
Ai tha gjithashtu se populli ukrainas ndërmori veprime në një mënyrë që askush tjetër nuk e ka bërë më parë. “Me gjithë mosmarrëveshjet që kemi në Kongresin tonë për disa çështje, ka një marrëveshje të rëndësishme në mbështetje të Ukrainës. Nuk ka të bëjë vetëm me lirinë në Ukrainë, ka të bëjë me demokracinë në përgjithësi”, vuri në dukje Biden.
Pas mbërritjes së Bidenit në Kiev, Shtëpia e Bardhë lëshoi një deklaratë duke cituar fjalët e Biden.
“Ndërsa bota përgatitet për njëvjetorin e pushtimit të dhunshëm të Ukrainës nga Rusia, unë jam sot në Kiev për t’u takuar me Presidentin Zelensky dhe për të riafirmuar angazhimin tonë të palëkundur ndaj demokracisë, sovranitetit dhe integritetit territorial të Ukrainës.
Kur Putini nisi pushtimin e tij gati një vit më parë, ai mendoi se Ukraina ishte e dobët dhe Perëndimi ishte i ndarë. Ai mendoi se mund të na kalonte. Por ai bëri një gabim të madh.
Sot, në Kiev, do të takohem me Presidentin Zelensky dhe ekipin e tij për një diskutim të gjerë në lidhje me mbështetjen tonë për Ukrainën. Do të njoftoj një dërgesë tjetër të pajisjeve kritike, duke përfshirë municione artilerie, sisteme antitanke dhe radarë të mbikëqyrjes ajrore, për të ndihmuar në mbrojtjen e popullit ukrainas nga bombardimet ajrore. Dhe unë do të ndaj më vonë këtë javë lajmin për sanksione shtesë kundër elitave dhe kompanive që kërkojnë të anashkalojnë ose përmirësojnë makinën luftarake të Rusisë. Gjatë vitit të kaluar, SHBA-ja ka ndërtuar një koalicion kombesh nga Atlantiku në Paqësor për të ndihmuar në mbrojtjen e Ukrainës me mbështetje të paprecedentë ushtarake, ekonomike dhe humanitare – dhe kjo mbështetje do të zgjasë”.
