Sherri për një vajzë pas një nate të kaluar mes alkoolit dhe muzikës në një lokal në Mykonos i ka marrë jetën një 34-vjeçari shqiptar në ishullin grek.
Mediat helene raportojnë se një 33-vjeçar grek e ka qëlluar shqiptarin me armë gjahu, duke i shkaktuar vdekjen me një plumb në kokë.
Sipas medias lokale Cyclades24.gr, dy burrat po argëtoheshin me grupe të ndara shoqërore dhe konflikti nisi brenda një lokali me një Strip Shoë në zonën e Skylambela, për një vajzë që dyshohet se kishte lidhje si me viktimën dhe autorin.
Sherri ka vazhduar jashtë lokalit në prani të gjashtë deri në shtatë klientëve, ndërsa 33-vjeçari grek, i identifikuar Athanasios Nazos më pas ka shkuar në shtëpinë e tij, ka marrë armën e gjahut dhe është kthyer në lokal për të qëlluar mbi shqiptarin.
Pasi ka gjetur 34-vjeçarin ai e ka qëlluar dy herë në kokë dhe më pas është zhdukur.
Shqiptari i identifikuar si Visar Dakrama (nga qyteti i Vlorës) është transportuar për në spital, por ka gjetur vdekjen nga hemorragjia.
Ndërkohë, raportohet se mëngjesin e sotëm 33-vjeçari është vetëdorëzuar pranë autoriteteve dhe brenda ditës do të dërgohet në prokurorinë e Syros.
LEXO EDHE:
DETAJE/ 34-vjeçari që u vra në Mykonos ishte hotelier, babai polic në Shqipëri
Ish-e dashura e shqiptarit rrëfen vrasjen e tij në Mykonos: U përleshën 10 minuta
