Një episod i dhunës brutale është regjistruar në zonën e Evias, në Greqi, ku protagonist janë një grup shqiptarësh dhe një grup romësh.
Përplasja mes dy grupeve ka ndodhur në një lokal nate në zonën e Nea Artakut.
Sipas asaj që raporton Eviathema, gjithçka ka ndodhur natën e Tsiknopemtit. Pak pas mesnate dy grupet janë përleshur ashpër dhe në vendngjarje kanë mbetur disa të plagosur nga të dyja palët.
Shqiptarët dhe romët fillimisht kanë pasur një përplasje të fortë verbale deri në momentin që janë përplasur fizikisht.
Forca të shumta policore kanë shkuar në vendngjarje, duke bërë edhe disa arrestime.
Përfundimisht të përfshirët në përleshje janë lënë të lirë, pasi asnjëra palë nuk ka bërë padi kundër tjetrës.
