Shtatë muaj kanë kaluar që nga zhdukja e të shumëkërkuarit të drejtësisë, Ervis Martinaj dhe disa aksione të dështuara të policisë e kanë veshur me më shumë mister fatin e tij.
Por gazetarja e kronikës Keti Banushi ka bërë sot një deklaratë “bombë” teksa ka zbuluar detaje nga hetimet e kryera në lidhje me zhdukjen e “mbretit” të lojërave të fatit.
Duke iu referuar burimeve nga policia ajo tha në emisionin “Revieë” se i kanë pohuar se telefoni i Martinajt ka pulsuar jashtë Shqipërisë.
Ajo nënvizoi se këto nuk janë informacione të konfirmuara zyrtarisht, por aludohet se kanë nxitur organet ligjzbatuese të jenë vënë në aksion për hetimin e një inskenimi të zhdukjes.
“U tha fillimisht, por jo në kuadër të konfirmuar nga policia se telefoni i tij ka pulsuar jashtë Shqipërisë dhe kjo ngriti dyshimin që mund të jetë gjallë. Kjo ka ndryshuar qasjen e prokurorisë dhe u dyshua për një inskenim të zhdukjes nga ana e Vis Martinaj. Nuk them që të gjitha këto janë të vërteta, i kemi me burime dhe nuk është se janë informacione të konfirmuara zyrtarisht. Është një çështje që mbahet shumë hermetike dhe askush nuk jep informacion dhe ne duhet të flasim në bazë të indormacioneve që kemi me burime”, tha gazetarja.
Një deklaratë e tillë për fatin e Martinaj vjen vetëm pak ditë pasi në Bruksel u arrestua nga autoritetet belge në bashkëpunim me njësinë FAST të policisë shqiptare, një prej armiqve të tij kryesorë, Leonard Duka.
