Një person është vënë nën hetim nga policia në Pogradec pasi akuzohet për dhunë në familje. Shtetasi me iniciale G.L. akuzohet se ka dhunuar fizikisht dhe psikologjikisht vjehrrën e tij.
“Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi penal në gjendje të lirë për shtetasin G. L., banues në fshatin Proptisht, Pogradec, për veprën penale “Dhuna në familje”, pasi dyshohet se ka ushtruar dhunë fizike e psikologjike ndaj vjehrrës së tij”, njoftojnë uniformat blu.
