Një ngjarje tragjike ka ndodhur në futbollin belg, teksa portieri i skuadrës Winkel Sport B, Arne Espeel ka vdekur tragjikisht teksa luante në një sfidë të divizionit të dytë provincial Ëest Brabant.
25-vjeçari ishte në aksion për skuadrën e tij kundër Westrozebeke, teksa Winkel Sport kryesonte sfidën me rezultatin 2-1 përpara se Westrozebeke të fitonte një penallti në pjesën e dytë.
Shërbimet e urgjencës vrapuan për të ndihmuar Espeel dhe bënë gjithçka që mundën për ta shpëtuar me një defibrilator të përdorur gjithashtu, por 25-vjeçari u shpall i vdekur menjëherë pasi u dërgua në spital.
Një autopsi ishte planifikuar të zhvillohej të hënën për të zbuluar shkakun e vdekjes së Espeel.
Pas tragjedisë, klubi belg lëshoi një deklaratë ku thoshte: “Winkel Sport është në zi shumë të thellë për vdekjen e papritur të portierit Arne Espeel. I urojmë familjes dhe miqve të Arne ngushëllimet tona të përzemërta për këtë humbje të rëndë”.
Asistenti i Winkel Sport B, Stefaan Dewerchin shtoi: “Topi ishte ende në lojë. Portieri ynë u ngrit sa më shpejt për të marrë topin, por më pas u rrëzua në tokë. Ishte vërtet e tmerrshme ta shihje. Të gjithë lojtarët kanë bërë dush së bashku pas incidentit. Kur erdhi mesazhi se portieri ynë kishte vdekur, ishte një goditje jashtëzakonisht e rëndë”.
