Protesta e sotme e opozitës para Parlamentit duket se ka sjellë angazhimin maksimal të Policisë së Shtetit.
Mësohet se rreth 1100 efektivë policie do të jenë në gatishmëri për të ruajtur godinën e Kuvendit, teksa jashtë do të zhvillohet tubimit.
Seanca plenare do të nisë në orën 17:00 dhe policia ka nisur të krijojë kordonet brenda ambienteve të Parlamentit, ndërsa për përforëcim ka mbërritur edhe një autobjet me ujë për t’u vendosur në hyrjen dytësore, në krah të Parlamentit.
Siç duket nga pamjet i gjithë perimetri i godinës së seancave plenare do të jetë i rrethuar me uniforma blu.
Në vijën e parë pritet të rreshtohen forcat e rendit dhe të njësisë “Shqiponja”, ndërsa ato të Ndërhyrjes së Shpejtë dhe RENEA do të jenë të dislokuara në pjesën anësore të parlamentit.
Forca të shumta të policisë si dhe efektivë të Gardës do të jenë të dislokuara edhe në pjesën anësore nga krahu i “Pedonales” nga pritet të bëhet edhe hyrja e deputetëve.
Policia do marrë masa edhe për bllokimin e rrugëve, ku prej orës 15:00 kanë nisur kufizimet e qarkullimit në rrugën “Xhorxh Bush” dhe pjesërisht në bulevardin “Zhan Dark” dhe te kryqëzimi i rrugës së Elbasanit.
