Një rrjet i trafikut ndërkombëtar të kokainës, heroinës dhe marihuanës është goditur nga policia në Itali një javë më parë dhe çoi pas hekurave 43 persona, 21 prej të cilëve shqiptarë.
Grupi drejtohej nga tre Emirjan Beu, Gernard dhe Branjol Ago, të tre nga Durrësit. Sakaq ditën e sotme në rrjetën e Guardia di Finanza në Itali kanë rënë edhe dy shqiptarë të tjerë që janë pjesë e grupit, Laidon Ibrhaimi dhe Myka Muhrem, me banim në veri të Sardenjës.
Të dy shqiptarët u arrestuan në shtëpitë e tyre në Valledoria dhe Badesi. Ndërkohë, policia italiane po vijon hetimet për të kuptuar rolin e të dyve në trafikun e drogës. Nga sa mësohet, ata mund të jenë punëtorët që përgatisin makinat për transportin e “mallit” brenda pjesës së fshehur të karrocerisë.
Në disa vite, operacioni çoi në sekuestrimin e mbi 120 kilogramë kokainë të importuar holandeze dhe 15 kilogramëve heroinë të pastër, e cila rafinohej në dy laboratorë në Kremonese dhe Milano. Por kjo nuk është e gjitha, pasi u sekuestruan edhe 129 kilogramë marihuanë dhe 92 kilogramë hashash.
