Një shtetas shqiptar është arrestuar nga autoritetet portuale në Brindisi, pasi mbi të rëndon një urdhër-arresti europian i lëshuar nga një gjykatë në Greqi.
Sipas mediave lokale shqiptari me inicialet S.B. është arrestuar nga policia kufitare italiane, me kërkesë të Prokurorisë Publike të Kalamatës, në Greqi.
Pala helene kërkoi që i akuzuari t’i dorëzohej autoritetit gjyqësor grek për t’u përgjigjur për akuzën që rëndon mbi të si anëtar i një “grupi kriminal me qëllim trafikun e drogës”.
Në Greqi ky krim dënohet me burgim të përjetshëm, pavarësisht nga cilësia, nga lloji apo sasia e drogës.
