Mjekësia shqiptare ka pësuar një tjetër humbje të rëndë në radhët e saj. Ditën e sotme është ndarë nga jeta një emër i njohur i bluzave të bardha, Doktor Jorgo Kosta.
Lajmin e hidhur për ndarjen nga jeta të Doktor Jorgos e ka dhënë Erjon Dasho, i cili përmes një njoftimi në Facebook, ka shprehur dhe ngushëllimet për këtë humbje të madhe.
Postimi i Dashos:
Kur largohen njerëz dhe profesionistë si Dr. Jorgo Kosta, humbasin vlera të pazëvendësueshme të mjekësisë shqiptare. Të qoftë dheu i lehtë, doktor, dhe qofsh përherë i kujtuar!
Mjeku Jorgo Kosta dha kontribut të çmuar gjatë periudhës më intensive të pandemisë, duke ndihmuar me këshillat e tij, si në mënyrë publike ashtu edhe private, për njerëzit që kishin nevojë dhe ishin prekur nga sëmundja.
