Sulmuesi shkodran Erald Çinari shkëlqeu ditën e sotme me dopietë, në barazimin 2-2 që skuadra e Shkëndijas së Tetovës regjistroi ndaj kampionëve letonezë të Valmieras, në testin miqësor të zhvilluar në Turqi.
Kuqezinjtë e panë veten në avantazh të dyfishtë, pas golave të Gueje në minutën e 19-të dhe Dusalijevs, në të 45-tën, ndërkohë që Çinari vendosi baraspeshën me realizimet në minutat 48 dhe 66-të. Edhe pse kanë kaluar vetëm pak ditë nga transferimi te skuadra e re, sulmuesi shkodran duket se është ambientuar shumë shpejt, duke u shndërruar në protagonist te tetovarët.
Me këtë ndeshje ka përfunduar edhe faza përgatitore e kuqezinjëve në Turqi dhe të premten skuadra udhëton drejt Tetovës ku do të vazhdojë punën deri në fillimin e gjysmësezonit pranveror që starton më 19 shkurt.
