Një tërmet i fuqishëm goditi sot Turqinë dhe sipas shifrave zyrtare mbi 2300 persona kanë humbur jetën. Për shkak të kësaj tragjedie sot u anuluan të gjitha ndeshjet e programuara dhe shumë fubollistë që luajnë ose kanë luajtur më herët atje kanë reaguar.
Një ndër ta është sulmuesi i Majorkës Vedat Muriqi. Përmes një postimi në rrjetet sociale ai shkruan se dhimbja që po përjetohet është e papërshkrueshme dhe se lutjet e tij shkojnë për këtë vend.
“Dhimbja që përjetojmë është e papërshkrueshme. Lutjet e mia, zemra ime është me të gjithë të prekurit nga tërmeti… Shërim të shpejt të gjithëve. Zoti i mëshiroftë ata që humbën jetën, të lënduarve u uroj shërim të shpejtë”, shkroi Muriqi.
Yaşadığımız acı tarifsiz. Dualarım, kalbim depremden etkilenen herkesle… Herkese çok geçmiş olsun. Hayatını kaybedenlere Allah’tan rahmet, yaralılara acil şifalar dilerim.
— Vedat Muriqi (@MuriqiVedat) February 6, 2023
Edhe mesfushori shqiptar që luan për Istanbulspor, Eduart Rroca ka shpërndarë në llogarinë e tij në Instagram llogarinë ku të gjithë mund të kontribuojnë për ndihmë për personat e prekur.
