Një avion turistik që transportonte 321 persona në Tajlandë ka bërë ulje emergjente pasi një nga motorët shpërtheu në flakë, pasi gomat e tij shpërthyen menjëherë pas ngritjes nga pista.
Ngjarja ka ndodhur në aeroportin e destinacionit të njohur turistik Phuket, teksa 309 pasagjerë dhe 12 anëtarë të ekuipazhit në avionin rus u evakuuan në kohë dhe u detyruan të prisnin një avion tjetër për të vazhduar udhëtimin.
Fotot dhe pamjet dramatike treguan avionin Boeing 767-306ER në flakë. Pati raportime për një ‘shpërthim të fortë’ gjatë ngritjes, ndërsa gomat gjithashtu u ndezën nga flakët në të njëjtën anë të djathtë të avionit.
Një dyshim është se linjat ajrore ruse po i ndërpresin shpenzimet për sigurinë e udhëtarave dhe po kërkojnë të operojnë avionë të vjetëruar pa mirëmbajtjen e duhur pas sanksioneve të ashpra perëndimore për luftën e Vladimir Putinit në Ukrainë.
Ky aeroplan 26-vjeçar i operuar nga kompania charter “Azur Air” ishte duke u nisur nga Aeroporti Ndërkombëtar i Phuket për në Moskë kur ndodhi incidenti.
Pasagjerët në bord përfshinin familje burrash që fshiheshin nga dekreti i mobilizimit të Putinit. Disa i kishin lënë burrat e tyre në Tajlandë – që Rusia e konsideron si një vend ‘miqësor’ – mes dyshimeve për një raund të ri rekrutimi.
Burra të tjerë po ktheheshin në Rusi pasi kishin mbetur pa para, pavarësisht frikës se mund të mobilizoheshin në një përpjekje të re të re të rekrutimit të detyruar dhe të dërgoheshin në front.
