Për të tretën ditë radhazi, bordi i krijuar me vendim qeverie për caktimin e çmimit të karburanteve, ka vendosur uljen e tarifave.
Sipas vendimit të sotëm, 1 litër naftë do të shitet me 190 lekë/litri, nga 192 lekë/litri, që u vendos një ditë më parë.
Benzina do të tregtohet me 185 lekë/litri, 2 lekë për litër më pak se aktualisht.
Gazi nga ana tjetër, nga 71 lekë/litri, është rritur sërish në 75 lekë/litri.
“Çmimet e caktuara nga Bordi do të hynë në fuqi në datë 4 Shkurt, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”, thuhet në njoftimin e Ministrisë së Financave.
