Eksperti i kriminalistikës, Artan Rexhepi tha për “Review” në Euronews Albania se mund të ketë pasur një prishje të marrëveshjes mes Alda Klosit dhe Rozeta Dobit, ish-funksionares së shtetit dhe pastrueses së shtëpisë së saj.
“Unë po të presionoj deri në polici me qëllim që ti të më kthesh paratë dhe në momentin që pastaj s’kthehen paratë, situata pastaj bëhet e pariparueshme sepse njerëzit nuk është se e menaxhojnë kaq mirë situatën se policia nuk është lodër. Ajo [Alda Klosi] ka shkuar deri aty me idenë që mund t’i shkaktojë një lloj presioni dhe mund të kenë një marrëveshje të prishur, ka marrë më shumë seç duhet e të tjerë, këtu ngrihen pikëpyetje sa të duash. Në momentin që ajo ka dashur t’i bëjë presionin situata është bërë e pakthyeshme, është bërë deklarimi aty, doli në media, nuk kthehesh më mbrapsht, i ngeli dopio gjashta në dorë,” – u shpreh Rexhepi.
