Presidenti i SHBA-ve Joe Biden ka paralajmëruar se ngrohja globale përbën një kërcënim shumë më të madh se lufta bërthamore. Presidenti amerikan beson se ndryshimi i klimës është gjëja më e madhe për të cilën duhet të shqetësohemi.
“Ngrohja globale është kërcënimi i vetëm më ekzistencial për njerëzimin me të cilin jemi përballur ndonjëherë, duke përfshirë armët bërthamore,” i tha Biden një grupi mbështetësish në Upper East Side, pasi kreu një ngjarje të infrastrukturës hekurudhore aty pranë.
Lufta bërthamore ka qenë një shqetësim i vazhdueshëm që kur Rusia nisi një luftë me Ukrainën. Vetëm në nëntor të vitit të kaluar Ministria e Jashtme e Rusisë tha se kishte frikë se fuqitë bërthamore ishin në prag të një konflikti të armatosur të drejtpërdrejtë dhe se Perëndimi duhet të ndalojë provokimet inkurajuese me armë të shkatërrimit në masë, të cilat mund të çojnë në pasoja katastrofike, raporton NYT.
Komentet e Joe Biden vijnë menjëherë pasi lideri i botës së lirë vizitoi Kaliforninë pas tre javësh të ‘lumenjve atmosferikë’ të saj. Ai tha në plazhin Seacliff State përgjatë vijës bregdetare të Santa Cruz se nëse dikush dyshon se klima po ndryshon, atëherë ai duhet të ketë qenë në gjumë gjatë dy viteve të fundit.
“Moti ekstrem i shkaktuar nga ndryshimet klimatike çon në stuhi më të forta dhe më të shpeshta, thatësira më intensive, sezone më të gjata të zjarreve, të cilat kërcënojnë komunitetet në të gjithë Kaliforninë.”
Sipas një studimi të vitit 2021 nga Paneli Ndërqeveritar i Kombeve të Bashkuara për Ndryshimet Klimatike (IPCC), ata zbuluan se mund të realizohen rritje të konsiderueshme më të mëdha të nivelit të detit. Megjithatë, IPCC tha se niveli mesatar global i detit nuk ka gjasa të rritet me më shumë se 1.1 metra brenda këtij shekulli, edhe me skenarët më intensivë të emetimit të gazit serrë.
