Një aksident ka ndodhur mëngjesin e kësaj të mërkurës në rrugën dytësore Lezhë-Rrilë.
Një automjet tip “Mercedes Benz” me të cilin udhëtonte një femër ka humbur kontrollin dhe është përplasur me shtyllat në anë të rrugës, duke u përmbysur.
Për pasojë ka marrë lëndime të lehta drejtuesja e mjetit, e cila është dërguar për t’u trajtuar me ndihmë mjekësore në spital.
Policia e cila ka mbërritur menjëherë në vendin e ngjarjes nisi hetimet për zbardhjen e shkaqeve dhe rrethanave të aksidentit.
