Një 30-vjeçar shqiptar është sulmuar me thikë në ambientet e një banesë në kryeqytetin austriak, Vienë.
Ngjarja ka ndodhur të martën rreth orës 16:20 në një apartament në Vjenë-Meidling dhe i dyshuar si autor i mundshëm sipas mediave lokale është një bashkëkombës i të plagosurit, me detyrë shtetërore në Shqipëri.
“Policia u alarmua të martën për britmat për ndihmë që vinin nga një apartament në Vjenë-Meidling. Një burrë (30 vjeç, avokat i shtetit në Shqipëri) me gjurmë gjaku në trup, por pa lëndime të dukshme u pa në shkallët e hyrjes”, raporton vienna.at.
Sakaq, referuar të plagosurit, media shkruan se ai është gjetur me një plagë me thikë në shpinë para shtëpisë.
I plagosuri ka marrë ndihmë urgjente mjekësore nga shërbimi profesional i shpëtimit të Vjenës dhe është dërguar në spital, ku raportohet se është jashtë rrezikut për jetën.
Ndërkohë, në banesë u gjet arma e dyshuar e krimit (një thikë).
Sipas gjendjes aktuale të hetimeve, 30-vjeçari zyrtar shtetëror shqiptar dyshohet se ka sulmuar bashkëkombësin e tij 30 të së njëjtës moshë.
Ai u arrestua përkohësisht dhe u dërgua në burg me urdhër të prokurorisë publike të Vjenës. Zyra e Policisë Kriminale të Vjenës, dega jugore, mori përsipër hetimin dhe pritet të marrë në pyetje të plagosurin ditën e sotme.
