Një oficere e policisë, e cila u pezullua nga detyra jo shumë kohë pasi i ishte bashkuar forcave të rendit pasi krijoi një lidhje të fshehtë dashurie me oficerin e saj komandues, po hetohet edhe për një aferë seksuale me një “lord” droge në Britaninë e Madhe.
PC Caitlin Howarth ishte vetëm 21 vjeç, kur u pezullua nga Policia e Jorkshaiërit Perëndimor në nëntor 2021 pasi u akuzua se kishte një lidhje me kryeinspektorin Daniel Greenwood, i cili ishte 38 vjeç në atë kohë.
Megjithatë, raportohet se marrëdhënia e tyre e supozuar doli në dritë vetëm pas një hetimi nga oficerët e policisë kundër korrupsionit mbi një tjetër lidhje sekrete të saj me një bos droge, i cili tani ndodhet pas hekurave, i akuzuar për shitje të heroinës.
Drejtoria e Standardeve Profesionale të Policisë vazhdon të hetojë pretendimet për raportet e dyshimta të efektives së re dhe rezulton se shefi i policisë ishte vënë në dijeni për sjelljen e pahijshme të pretenduar të PC Howarth.
Komandanti i qarkut Bradford ka qenë në polici për gati 20 vjet, por ai gjithashtu u pezullua pas lidhjes së supozuar me efektiven e re.
E teksa hetimet vazhdojnë, oficerja Caitlin vijon jetën e saj vanitoze, duke postuar foto me veshje të hapura dhe poza provokuese në rrjetet sociale, ndërsa llogaria e saj në Instagram ka më shumë se 10,000 ndjekës.
